講到年齡，我就不是秘密，同譚詠麟一樣，都是冇秘密的，問他多少歲，他不假思索即答你25歲，只不過你年年問他答案都係一樣！如果你來問我，我有好多個答案，你會花多眼亂的！
人們說，年齡是女性的秘密，其實男性亦然。唔信你可以試下問幾位男士，保証你十問九唔應！香港通過私隱法，乜都話私隱，身份証號碼係私隱，年齡係私隱，性別係私隱，連姓名都話係私隱，唔信你可以試下問人家叫乜名，十居其九講個英文名你聽，究竟點解呢？
好簡單！因為中文名通常係父母揀，落在出世紙，定格在身份証上，就算你唔鍾意，九成以上都係逆來順受，極少堅持改名；但英文名就唔同，通常係自己揀，很少刻意在身份証上加名，咁就自由了，衰左可以改過另一個。因此，我認為英文名冇乜意義，幾乎等於你講個假名給我知，一點誠意都沒有！此話題到此為止，改日再談。
如果你問我的面貌？有人話似70歲；如果你問我的心態？則我同譚詠麟一樣，都係25歲；如果你問我的實際年齡？我會話已經90歲；如果你問我的下棋年齡？我會話足足60歲；如果你問我的駕駛年齡？我會話已經47歲；如果你問我的中文水平？我會話80歲；如果你問我的英文水平？我會話最多只得３歲；如果你問我的數學水平？我已是百歲老人矣；如果你問我最風光的時候是幾歲？我會話35歲；如果你問我最倒霉的時候是幾歲？我估計是30歲；如果你問我退休時幾歲？我會話60歲；如果你問我輟學出來社會工作時的年齡？我會話大約15歲；如果你問我的身份証幾歲？又會係另一個答案。
因此，在你問人家幾多歲時，要講清楚問哪一樣東西，如果唔係，你得到個答案可能啼笑皆非呢！
身份証的年齡未必正確，因為有人報大，亦有人報小。報大的好處是早些退休，快點拿到老人金，害處是求職時被人歧視；報小的好處是可以搵多幾年錢，害處是較遲取得老人福利，多捱幾年世界啦。
沒有留言:
張貼留言